Monday, February 5, 2007

Kodai-kodai yang femes di Pilah era 80-an - Part 2

Assalamualaikum.. sorilah... lambek sikit sambung cerita kodai2 nih.. sibuk sikitlah...

Wokeh... sekarang eden nak cerito kodai2 yang femes dikalangan budak2 sekolah dan remajo Pilah.

Kalau bab2 buku nih... Kodai Buku Poh Sang adolah yang biasa dikunjungi oleh budak2 Pilah... kodai tu ado jual buku, stationeries, dan jugak buku cerito.. alat2 sukan pun ado.. dan sampai sekarang kodai tuh masih lagi bergiat aktif.. tapi tak semeriah dulu. Kodai alatan sukan pulak.. Kodai Hwa Lian.. dekat dengan Bustand Pilah. Kodai nih menjual peralatan sukan indoor dan outdoor dan menawarkan perkhidmatan menukar/menservis tali reket badminton/tenis dan lain2 lagi.

Lopeh tu bagi budak2 budak yang nakal sikit macam den dulu.. balik sekolah yo terus lepak kek kodai game... Antaro kodai game yang femes maso tuh adolah.. Kodai Game Gemuk... Kodai Game Golap ... kodai nih ado satu mejo snooker... Kodai game Uncle (uncle nih cacat - pakai kerusi roda)... kedai nih jugak menyediakan studio untuk bebudak jamming... dan jugak kodai game belakang panggung wayang. Zaman tu tengah top game Street Fighter.. Bubble2.. dan Double Dragon. Sekarang semuo dah pupus... bebudak semuo poie cyber cafe... layan internet... rosak..rosak..
Ado satu kodai kek sebolah Kodai Getah Chin Tye tuh... milikm sorang india.. kodai eh kocik yo... jual jajan dan main tikam2. Namo kodai tu den tak pasti... tapi memang femes dikalangan bebudak sekolah.... sambil tunggu bas..sambil mengunyah jajan... tapi dah lamo takdo dah.. agak eh dah upgrade... dah kayo.. hahahah
bersambung...




8 comments:

Anonymous said...

Den kona mamat yang tongah melinteh tu...

BigBossMan...Mempaneh

Anonymous said...

kekek.. kodai game golap.. banyak dah dio tolan duit duo posen den.. pemongak mesin game eh.. laju kemain.. mmg tak kan monang punyo..

yang jago kodai game golap tu maghin ghomar bona ngupeh potai.. gilo makan potai tul dio tu.. idup laie ko dio yo? nak mintak balik duo posen den!

Anonymous said...

Ado satu laie kodai game kek Pilah...Pusat Hiburan TL. Ahaaa...ingat tak sedaro2 semuo...Kedudukannyo di lot hujung sekali di sebolah kodai motor Chin Leong Motor (sekarang ni berdopan dongan tapak Medan Malam).

Sekarang kodai tu dah bertukar jadi kodai jual henpon.

Anonymous said...

heheheh ramai kaki game duoposen keksini rupo ehhh....
samo lah kito tapi bagi den paling feymes kodai uncle singh cacat tuh laaa.... tompek bermulo ehhhasalah sosial kek pilah dan lagenda punk kolopilah the bollocks.....hahahahahah......

mohd hanis said...

Dulu ado gak jamming kek kodai uncle. Bebudak ni koba uncle tu ado simpan pistol. Ontah botul ontah tak.

Unknown said...

Kau kono mongak kek kwn la hanis.uncle tu ado simpan kaki spare eh jo..hahaha

Unknown said...

uncle dah xdo,kodai eh kono samun, mati kono bunuh kek oghang indon(yg ese dinga versi ni dr kwn2),donga cito mondiang ni molawan..

Unknown said...

uncle dah xdo,kodai eh kono samun, mati kono bunuh kek oghang indon(yg ese dinga versi ni dr kwn2),donga cito mondiang ni molawan..