Wednesday, October 31, 2007

Lomangku Tertinggal di Kualo Pilah

Assalamualaikum semuooo....

Bilo tengok tajuk post ni.. macam tajuk lagu pulak kkan... muhahahaha... setolah lamo den menyopi kan diri... akhirnyooo... sempono hari baik.. bulan baikk.. barang baikk nihhh... den akan bercerito sikit pasal makanan rasmi time ghayo kek Pilah.... dan kawasan yang sewaktu dongannyo.... hehehehe...

Makanan ni tolah lamo bertapak di Kualo Pilah.... telah di warisi turun temurun oleh nenek moyang kito sojak dulu laie... dan kaedah eh pulak .. tak banyak bezo eh dgn kaedah yang digunokan pado maso dulu... namo makan ni adolah Lomang ...Lam Wau Mim Alif Nga... muahahah

Kalau sidang pembaco nak tau.. kek Pilah ni biaso eh oghang buek lomang 2 kali setaun... iaitu menjelang Poso (Ramadan).. dan menjelang Rayo (Syawal)... time ghayo Haji ado gak.. tapi kurangla... biaso eh 2 kali la.. bagi yg rajin.. bagi yg maleh tak yah buek.. boli yooo.. muahahah. Proses membuek eh taklah susah manoo pun... cumo makan maso sikit.. nak tunggu masak tu yang lamo tu... Jadi untuk buek lomang bila nak menjolang poso tu.. takdo masalah la... sobab bulih makan dan minam... tapi bilo buek lomang menjolang ghayoo tu yang mencabar tu... last day poso... dugaan eh pergghhhh... tokak koring... aghi panehh... api lomang panehh... lamo pulak tu.. silap-silap.. bulih goyang iman di buek eh...muahahahah...

Ni den nak cerito secaro ringkas sikitla cagho2 nak buek lomang ni.. kalau nak details bulih la berguru ngan omak den muahaha...
Memulo kito kono sediokan bahan2 eh... bogheh pulut, santan, air, daun pisang mudo, buluh lomang dan kayu api. Untuk proses dalaman lomang tu.. biaso eh kojo oghang pompuan.. diorangla yang menggaul bogheh pulut, santan, air ngan garam tu.. dan masukkan campuran tu dalam buluh lomang yang dah dilapik bolah dalam eh ngan daun pisang (nak buek lapisan daun pisang tu pun ado cagho eh.. tak kono cagho.. tak jadi doh... ni kono berguru).. sementagho menunggu oghang pempuan siap .. oghang lelaki pulak .. akan menyiapkan langgai tompek bakar lomang tu dan hidupkan api lomang..

Bilo dah kojo orang pompuan tu yoo.. bulih la kito start membakar lomang tu... api tak kono sentiaso di pantau.. api tak bulih dokek bona dongan lomang.. api tak bulih bosa bona.. kang lomang kok hanguihh.. hahahah.. biasr yang sedang sedang aja... sambil tu.. kito kono pusing pusingkan lomang tu.. supayo pembakaran bulih dilakukan dengan sekato.. takdola makan sebolah yoo.. dalam maso 2 jam lomang akan mendidih.. dalam maso 3 jam... baghu dio start koring... bilo dah koring tu... buli la kito mulo proses menghontak lomang... proses ni bertujuan untuk memadatkan lomang tu.. jadi lomang akan mudah di potong, tidak berderai.. dan nampak hensem... muahahah.. proses membakar ni akan memakan maso dari 4 hinggo 5 jam... dengan api yang paneh.. cuaco yang paneh... tokak yang koring... last day poso akan menjadik hari yang penuh dugaan dan mencabar keimanan... muahahah.. adventure tuuu...


akan bersambung.... ( ado kojo nak buek sikitla.. nanti den sambung kemudian.. wassalam)

21 comments:

Anonymous said...

assalamualaikum...

cayalah bang... camni baru jalan blog nih.... ahahhaha.... raso eh taun ni memang banyak kito buek lomang.... dah lamo tak buek banyak camnih.... taun lopeh sikit yo... taun yg sudah2 punn sikit yo....

rumah den jadik port lomang topung tiap2 ghayo... yola... kek boting tu mano ado yg ghajin buek lomang topung nih.....

adios....

Unknown said...

sambungan eh nanti.. nak cito pasal lomang topung ngan rondang eh.. wokehhhh

Anonymous said...

Gambar gambar maso ghayo tak do ko?
Den sompek jumpo Mizan & BangKudin yo maso solat ghayo kek masjid tempohari.

LC Biru NBV4677

Anonymous said...

edi...

gambar ghayo ado... hahaha nak yg satu kaler ko yg duo kaler?... hahahhahaha.... wehh... lamo ko cuti ghayo?

Anonymous said...

Bangah,

Den cuti 5 ari yo...Lopeh solat ghayo, toruih ngadap tv. Pagi ari ghayo ke 3, den potong keto ekau dokek dopan ghumah arwah tok pawang Tindek menuju ke pokan. Ekau tak perasan kot...

Edi.

Anonymous said...

di,

hahaha... den kalau kono potong memang jarang perasan.... kalau motong orang memang den ingat.... hahahhaha.... sori la... pagi ghayo ketigo tu den kuar balik pahang tu... anyway... takpolah... ado maso kito jumpo...

Unknown said...

"Berhati-hatilah di jalan raya... ingatla orang yang tersayang.. dan rancanglah perjalan anda"... den selalu donga ayat ni kek radio n tv...insyaallah

Anonymous said...

hahahaha...Eh, sogan la den menebeng kek sini. Macam bagus yo tak...

EDi

Anonymous said...

di,

apolak nak disogan an... hahaha... den lain la... den nih pemalu org eh... hahahaha.... weh... kau boli rumah ko kau nyewo kek sanun?...

Anonymous said...

Den nyewo yo, tongah kumpul duit nak boli rumah hehehehe...

Dongar2 ado majlis hari rayo kek joram boting. Botul ko?


Edi

Anonymous said...

ntahlah den pun taktau.... kalau kek joram boting tu nak kato majlis ari rayo memang mustahil la sikit... kalau parti liar rayo ado kemungkinan gak la... hahahahhaa....

Anonymous said...

wei..rayo haji ni kito berkumpul la yo..
harap2 dapek bali semuo eh..maklumlah rayo poso marin masing2 berterabur..
pak ee

Anonymous said...

insyaAllah... buleh yo.... kito poie yamseng ko... snuker ko.. (den nebeng yo.. tak ghoti doh)... hahha.. bancik balik nih... den tak tau tarikh eh bilo...

Anonymous said...

[IMG]http://www.dazfish.co.uk/b3ta/uploads/yuhh04_edited.jpg[/IMG]

Anonymous said...

tak salah den hujung bulan nie..
23 ko 24 haribulan nie..

Anonymous said...

kau balik tak?

Unknown said...

kepado sedagho den semuo... ghayo aji taun ni den macam biaso.. ghayo kek klantan.. demi negaro.. den dapek semboyan untuk replace bancik menjago keamanan kek klantan sepanjang percutian dio.. tapi takdo hal.. wokeh geng... rancanglah perjalan anda.. dan ingatlah orang yang tersayang...chow cen dol

Anonymous said...

bro...

lambek laie la ghayo aji.... hahahha... jgn risau la... nanti bangah sambut inspekter kito...

Anonymous said...

Kato nak upload gambar rayo, mano deh?...

Budak kg ekau jugak...

Anonymous said...

salam.

saya suka blog ni sebab saya pun lahir di kuala pilah...sayu pulak bila tengok gambar2 dlm blog ni...

Balkish,
Wellington
New Zealand
norbalkish@yahoo.com

Anonymous said...

apo bercendawan & berselawang blog kao ni bang... dah bleh masuk lam arkib negaro... x update bz na ngan cendawan kohh..